Funcións dos servizos municipais de normalización lingüística

ASPECTO LINGÜÍSTICO

• Tradución de textos e de documentos.
• Corrección documental.
• Deseño da documentación formal.
• Elaboración de glosarios de termos e inventarios de fraseoloxía.
• Resolución de consultas lingüísticas ou terminolóxicas.
• Organización da capacitación lingüística do cadro de persoal.
• Asesoramento lingüístico e toponímico.

ASPECTO SOCIOLINGÜÍSTICO

• Elaboración das propostas de dinamización, regulación dos usos e perfís lingüísticos.
• Información sobre o status legal da lingua e sobre os criterios de regulación do seu uso.
• Elaboración e seguimento do Plano Municipal de Normalización Lingüística.
• Coordinación con outros servizos lingüísticos.
• Proposta de actuacións de dinamización lingüística.

Organización

O servizo municipal de normalización lingüística ten que contar con persoal especializado que posúa unha boa formación lingüística e con coñecementos de planificación e dinamización lingüística.

O servizo lingüístico contará, asemade, coa dotación bibliográfica imprescindíbel para o exercicio das súas funcións, por mor da especificidade dos seus cometidos.

Quen pode solicitar os servizos do departamento de normalización lingüística?

Este departamento, á parte do seu labor interno, tamén lle presta os seus servizos a calquera persoa particular, empresa, asociación ou entidade que os demande tanto de asesoramento coma de tradución ou correción de textos e, mesmo de tramitación de subvencións para fomentar o uso social da lingua galega.

Publicacións

• Ordenanza Municipal de Normalización Lingüística.
• "Índice toponímico do litoral arteixán".
• "Calendario Galego Municipal": desde 1998 a 2004.
• "Manuel Antonio Martínez Murguía".(Aínda quedan exemplares)
• "Arteixo de onte a hoxe" (Volumes I e II). (Aínda quedan exemplares)

Publicacións que sairán do prelo neste ano 2004

1. "Calendario Galego Municipal 2005".

Cursos de Galego

Este departamento tramita todos os anos cursos, para adultos, de Iniciación e Perfeccionamento da Lingua Galega a través da Consellaría de Educación e Ordenación Universitaria.

Impártense, tamén, cursos de Lingua Galega para Estranxeiros.

Toponimia

Este departamento realizou o Proxecto Toponimia de Galiza neste concello. Trátase dunha gran base de datos na que figura recollida toda a toponimia maior e menor deste municipio; base que poderá ser consultada pola administración, empresas, colectivos e particulares

Se desexades máis información contactade connosco na Casa do Concello ou no teléfono: 981 600 009